Monday 14 January 2008

Cam Ye O'er Frae France

Cam' ye o'er frae France? Cam' ye doon by Lunnon?
Saw ye Geordie Whelps and his bonnie woman?
Were ye at the place ca'd the Kittle Hoosie?
Saw ye Geordie's grace, riding on a goosie?

Geordie he's a man, there is little doubt o't,
He's done a' he can, wha' can do without it?
Down there came a blade, linkin like my lordie;
He wad drive a trade, at the loom o' Geordie.

Though the claith were bad, blithely may we niffer:
Gin we get a wab, it makes little differ.
We hae tint our plaid, bonnet, belt and swordie,
Ha's and mailins braid - but we hae a Geordie!

Jocky's gane to France, and Montgomery's lady:
There they'll learn to dance: Madam are you ready?
They'll be back belyve, belted, brisk and lordly:
Brawly may they thrive, to dance a jig wi' Geordie!

Hey for Sandy Don!, Hey for Cockalorum!
Hey for Bobbing John, and his Highland quorum!
Mony a sword and lance, swings at Highland hurdie:
How they'll skelp and dance, o'er the bum o

More Scottish Music Lyrics

Scottish Folk Music Events

Web Design for folk bands and singers